Maak nie saak h\u00f3\u00e9 groot die Groot-Kersfees-Eet was nie, in my boek is daar aan die einde van enige feesmaal altyd plek vir koffie \u2013 al moet ek \u2019n knoop of twee losmaak en effe terugsit. As daar plek vir koffie is, is daar mos plek vir sjokolade by die koffie en wat is dan nou meer spesiaal as truffels? Om truffels te koop is belaglik duur, sommer simpel ook want truffels is maklik en pret om te maak.<\/p>\n
Op sy eenvoudigste is truffels net \u2019n dik sjokolade-ganache wat in balletjies gevorm word en in kakao, versiersuiker, neute of selfs klapper gerol word vir die mooi. Maar eenvoudig is nie my woord vir Kersfees nie. D\u00edt hou ek vir Januarie wanneer die bankbestuurder vir my frons. Vir die feesseisoen is my woorde oordaad en bling. En d\u00eds hoe dit is met hierdie truffels \u2013 pure uitspattigheid.<\/p>\n
Gee my \u2019n boks sjokolade en ek snuffel heel eerste die een met die kersie en kirsch in uit. So hoekom dan nou nie die wonderlike kombinasie van kersie en sjokolade vir my truffels nie? Die ganache kry \u2019n stewige sopie kirsch en \u2019n maraschino-kersie word in elkeen weggesteek. Dan\u2019s dit \u2019n rollery in amandels en uiteindelik \u2019n buitenste laag suiwer sjokolade. Genoeg? Natuurlik nie! Hulle vra vir ekstra bling en kry dit in die vorm van eetbare sterretjies en glitter.<\/p>\n<\/div>
250ml vars room (hoe dikker die room \u2013 m.a.w. hoe hoer die vetinhoud \u2013 hoe beter)
\n200g 70%-kakao sjokolade (ek het Lindt gebruik) en 200g melksjokolade, gekap
\n1-2E kirsch (opsioneel)
\n20 maraschino-kersies
\nkoppie gekapte amandels, in \u2019n dro\u00eb pan gerooster tot goudbruin (ek het Woolworths se Almond Sprinkles gebruik, dis perfek gekap hiervoor)
\nkakao
\ngroot blok melksjokolade
\neetbare skittergoedjies<\/p>\n<\/div>
Sit die room in \u2019n groot glasbak en verhit in die mikro tot goed warm, maar moet dit nie laat kook nie. Gooi die gekapte 400g sjokolade by die room en roer goed tot alles gesmelt is. Bedek en plaas in die yskas vir ten minste 4 ure om te set. Dreineer die kersies en plaas op kombuispapier om droog te word. Skep eetlepels van die koue ganache en vorm balletjies. Druk \u2019n holte in elke balletjie en plaas \u2019n kersie in die middel. Vou die ganache toe oor die kersie en rol in die amandels. Die balletjie sal sy vorm effe verloor in die proses, so rol hom eenvoudig weer tot mooi rond. (As dinge bietjie te morsig raak met die rol, gee jou hande en werksoppervlak eenvoudig bietjie kakao, dit sal help dat dinge nie kleef nie.) Plaas balletjies in die vrieskas vir \u2019n goeie 30 minute tot baie ferm. (Dis sodat die balletjies die warm sjokolade wat volgende kom kan weerstaan.)<\/p>\n
Smelt die blok melksjokolade. Doop elke balletjie in die sjokolade en skep dit uit met \u2019n vurk sodat die oortollige sjokolade kan afdrup. Plaas op \u2019n bakplaat gevoer met kleefplastiek of waspapier en hou in die yskas tot jy bedien. (Wenk: die skeppery met die vurk is die lui manier van doen en die truffel is nie winkelperfek nie met \u2019n effense plat sjokoladebodem. Dit pla my min, maar daar is \u2019n truuk vir absolute perfekte truffels as jy een van d\u00e1\u00e1i mense is. Sien GOED OM TE WEET laer af vir hoe.\u263a)<\/p>\n<\/div>
20<\/p>\n<\/div>
40 min<\/p>\n<\/div>
4+ ure<\/p>\n<\/div>