{"id":9647,"date":"2020-04-08T13:44:51","date_gmt":"2020-04-08T11:44:51","guid":{"rendered":"http:\/\/www.melkkos-merlot.co.za\/af\/?p=9647"},"modified":"2020-09-30T15:26:01","modified_gmt":"2020-09-30T13:26:01","slug":"sjokolade-tsoureki-vir-die-pase","status":"publish","type":"post","link":"https:\/\/www.melkkos-merlot.co.za\/af\/sjokolade-tsoureki-vir-die-pase\/","title":{"rendered":"Sjokolade tsoureki vir die Pase"},"content":{"rendered":"

My ouma is die jaar voor die Groot Griep gebore. Sy en haar ma het my as kind die stories van die groot elende vertel. Dit was abstrak. Onwerklik. En die idee dat iets soortgelyks ons \u2019n honderd jaar later kon tref was ondenkbaar. Ons het tog mos tegnologie. Ons het \u2019n man op die maan gesit. Daar\u2019s \u2019n rekenaar en \u2019n kamera in my draadlose foon. En hier sit ons nou, n\u00ea. Toegesluit in ons huise en die wyn raak min.<\/p>\n

Wat doen ek om te \u2018cope\u2019? Ek bak verwoed. Ek weet miskien nie wat gaan gebeur met die w\u00eareld nie. Maar ek w\u00e9\u00e9t sit jy meel en water en gis bymekaar, gaan dit rys. En twee ure later gaan jy iets warms h\u00ea om saam met \u2019n koppie rooibos te geniet. En dit laat my beter voel.<\/p>\n

Tsoureki is \u2019n traditionele Griekse Paasbrood. Ek weet nie hoe \u2019n properse een proe nie want dit kry speserye wat nie in SA beskikbaar is nie. \u2019n Boer maak \u2019n plan en \u2019n ruk terug ontwikkel ek \u2019n weergawe met karwysaad en gedroogte rooibosbessies vir \u2019n kli\u00ebnt. Dit was heerlik. Toe dag ek, hoekom nie verder met die knaap woeker nie? Wat van \u2019n tsoureki met gekapte sjokolade binne? En in plaas van die tradisionele hardgekookte hoendereiers, daai Paaseiers met die harde wit buitekant en soete sjokolade binnekant? Toe maak ek dit en hier is hy. As jy na is aan jou hare uittrek oor die kleingoed oneindig verveeld neul, sleep hulle nader om te help.<\/p>\n<\/div>

<\/div><\/div><\/div>
Al wat jy nodig het is…<\/h5>\n

3\u00bd koppies broodmeel
\n1 x 10g pakkie dro\u00eb gis (minus \u2019n \u00bc teelepel)
\n\u00bd hoogvol koppie suiker
\n2t sout
\nskil van een lemoen, so fyn moontlik gerasper
\n4E gesoute botter (kamertemperatuur sag)
\n\u00bd koppie louwarm water
\n\u00bd koppie melk
\ntwee derdes koppie melk- of donkersjokolade (of \u2019n mengsel), gekap
\n1 eier, geklits met 2E melk of water
\nderde van \u2019n koppie melk- of donkersjokolade, gesmelt
\nPaaseiers, (die met die harde wit buitekant wat lyk soos regte eiers), geverf met rooi voedselkleursel<\/p>\n<\/div>

<\/div><\/div><\/div>

Verwyder \u2019n \u00bc teelepel van die gis en gooi weg \u2013 as jy die hele pakkie gebruik is daar te veel gis in die resep. (NB: Dis nodig om presies te wees \u2013 gebruik \u2019n behoorlike \u00bct maatlepel, nie \u2019n gewone teelepel waarmee jy jou tee roer nie!) Voeg die oorblywende gis by die meel, suiker en sout in \u2019n groot bak. Voeg die lemoenskil en sagte botter by en roer liggies in. Voeg nou helfte van die water en melk by en roer. Voeg die gekapte sjokoldae by en meng terwyl jy stadig die laaste melk en water byvoeg. Nou\u2019s dit tyd vir 7-10 minute se knie. Tuimel die deeg uit op \u2019n oppervlak liggies bestrooi met meel. Die deeg gaan vreeslik nat voel aanvanklik. Moenie nog meel byvoeg nie. Soos jy knie sal die deeg se tekstuur verander en sal dit fermer en glad word.<\/p>\n

Plaas die deegbal in \u2019n groot bak liggies geverf met kookolie, bedek met kleefplastiek en laat in \u2019n warm plekkie staan vir 60-90 minute tot die deeg verdubbel in groote. Knie vir \u2019n paar sekondes en sny dan die deeg in drie eweredige stukke. Rol met jou palms om drie lang ronde stroke te vorm en vleg dit soos jy \u2019n sesjarige se poniestert sal vleg. Vou die ente netjies onder in soos jy \u2019n laken onder \u2019n matras sal invou. Plaas jou vlegsel op \u2019n bakplaat gevoer met bakpapier en laat dit rys vir \u2019n uur. Verf die tsoureki met die geklitse eier en bak in \u2019n voorverhitte 190 grade Celsius oond vir 25-30 minute. Laat effe afkoel. Plaas lepels gesmelte sjokolade in die voue van die tsoureki en druk die Paaseiers in die sjokolade om hulle te anker. Bedien gesny met of sonder \u2019n leksel botter. Hierdie tsoureki is beste op die dag van maak. As daar die volgende dag tsoureki oor is, gebruik dit om \u2019n brood-en-botter poeding te maak!<\/p>\n

(As jy eerder \u2019n karwy en rooibosbessie tsoureki wil maak: Voeg \u2019n opgehoopte eetlepel karwysaad (caraway) by die deeg, en vervang die gekapte sjokolade met gekapte rooibosbessies (dried cranberries). In plaas van die Paaseiers gebruik jy 3-5 regte eiers wat jy hard kook in water gekleur met heelwat rooi kleursel. Laat die eiers effe afkoel en druk hulle halfpad in die deegvoue in net voor jy die tsoureki in die oond sit.)<\/p>\n<\/div>

<\/div><\/div><\/div>

bedien<\/h4>\n

8<\/p>\n<\/div>

<\/div><\/div><\/div>

vooraf<\/h4>\n

2,5 ure<\/p>\n<\/div>

<\/div><\/div><\/div>

bak<\/h4>\n

25-30\u00a0min<\/p>\n<\/div>

<\/div><\/div><\/div>

Gehou van die resep? Deel dit!<\/h4>
<\/i><\/a><\/span><\/i><\/a><\/span><\/i><\/a><\/span><\/div><\/div>