{"id":9662,"date":"2020-04-24T11:34:55","date_gmt":"2020-04-24T09:34:55","guid":{"rendered":"http:\/\/www.melkkos-merlot.co.za\/af\/?p=9662"},"modified":"2022-08-18T11:26:04","modified_gmt":"2022-08-18T09:26:04","slug":"karamelsous","status":"publish","type":"post","link":"https:\/\/www.melkkos-merlot.co.za\/af\/karamelsous\/","title":{"rendered":"Karamelsous \u2013 gemaak op die regte manier"},"content":{"rendered":"

Enige halfpad entoesiastiese kok w\u00e9\u00e9t, die verskil tussen goed kook en fantasties kook is sous. Tot dusver het ek souse bietjie afgeskeep in my M&M kombuis. Dis hoogtyd om iets daaraan te doen. Heel eerste aan die beurt? \u2019n Properse karamelsous, want hier aan die einde van week vier van die groot Covid-opsluit dink ek ons verdien almal \u2019n leksel soet vir die siel.<\/p>\n

Ek gebruik die woord \u2018properse\u2019 met opset, want sien soveel aanlyn-resepte vir kastige karamelsous is alles behalwe. Ja hulle gebruik wel suiker, room en botter \u2013 die basis van \u2019n karamelsous, maar die tegniek van menige resep is verkeerd. Neuk die spul saam in \u2019n pot, kook dit vir vyf minute en jy het weliswaar \u2019n liplekker sous waaroor veral kinders vrek \u2013 maar dis \u2019n botterkaramelsous (butterscotch). Dis een-dimensioneel en sonder die diepte van karamelsous. \u2019n Egte karamelsous vra dat jy begin met \u2019n\u2026 karamel! Dit beteken suiker wat jy kook tot dit \u2019n warm amber kleur het.<\/p>\n

As jy al ooit suiker probeer smelt het om karamel te vorm weet jy die lys van dinge wat verkeerd kan gaan is lank. Suiker wat nie alles smelt nie; kristalle wat vorm, karamel wat oneweredig kook en in plekke swart brand met die gevolglike aaklige bitter. Wel, hier\u2019s \u2019n kannie-flop manier van karamel maak. Ons vat \u2019n ompad so dit neem bietjie langer, maar ek waarborg jy sal nie met jou suiker sukkel nie.<\/p>\n<\/div>

<\/div><\/div><\/div>
Al wat jy nodig het is…<\/h5>\n

1 koppie witsuiker
\nderde koppie water
\nhalwe koppie vars room
\n1 opgehoopte eetlepel koue botter, in klein blokkies gesny
\ngesonde knip sout
\npaar druppels goeie vanielje-ekstrak<\/p>\n<\/div>

<\/div><\/div><\/div>

Sit die suiker en water in a medium-groote, dikbodem kastrol. Plaas op medium-ho\u00eb hitte en roer totdat die suiker heeltemal opgelos is. Kook sonder die deksel vir 10-15 minute. Die water het tyd nodig om te verdamp en die suiker om te karameliseer. (Die gevaarliker, vinniger metode is om dit sonder die water te doen.) Suikerkristalle sal gedurende die kook op die kant van die kastrol vorm en dis nodig om daarvan ontslae te raak anders sit jy met \u2019n sous wat nie fluweelglad is nie. Gebruik eenvoudig \u2019n kwassie in water gedoop om die kante van die pot mee af te was sodra jy kristalle gewaar. Dit kan nodig wees om dit meer as een keer te doen.<\/p>\n

Hoe donkerder die karamel, hoe meer intens en kompleks die smaak. Daar is egter \u2019n punt waar dit te donker word, en dan\u2019s dit brandering goor. Ek haal my karamel van die hitte af sodra dit \u2019n diep amber\/ligte roeskleur is. Roer die room by \u2013 dit sal gevaarlik opborrel so moenie skrik nie. Roer dan die botter by, voeg die sout by en die vanielje en die sous is klaar. Dit sal dun lyk terwyl dit warm is, maar verdik soos dit afkoel. Sodra dit afgekoel is, plaas in \u2019n bottel en hou in die yskas tot jy dit gebruik. Jy kan die sous teen kamertemperatuur of koud bedien.<\/p>\n

Hoe gemaak met karamelsous?<\/strong><\/p>\n

\u2022 Gooi dit oor roomys
\n\u2022 Blits melk, room, karamelsous en ysblokkies saam vir \u2019n karamel-smoothie
\n\u2022 Gooi dit oor pannekoek, plaatkoekies en wafels
\n\u2022 Bedek kaaskoek met \u2019n laag karamelsous en bestrooi liggies met vlokkies Maldon seesout vir \u2019n blitsvinnige soutkaramel kaaskoek!
\n\u2022 Gebruik dit om koeklae saam te plak
\n\u2022 Bedien dit by gebakte appels met roomys
\n\u2022 Rooster \u2019n sny brioche-brood, smeer karamel oor en bedek met piesangsnye en gekapte okkerneute vir \u2019n stoute bederf-ontbyt!
\n\u2022 Roer \u2019n lepel of wat\u00a0by \u2019n glas warm melk<\/p>\n<\/div>

<\/div><\/div><\/div>

maak<\/h4>\n

250ml<\/p>\n<\/div>

<\/div><\/div><\/div>

vooraf<\/h4>\n

0 min<\/p>\n<\/div>

<\/div><\/div><\/div>

kook<\/h4>\n

20\u00a0min<\/p>\n<\/div>

<\/div><\/div><\/div>

Gehou van die resep? Deel dit!<\/h4>
<\/i><\/a><\/span><\/i><\/a><\/span><\/i><\/a><\/span><\/div><\/div>