Hierdie is nie eintlik \u2019n resep nie, d\u00e1\u00e1rvoor is wat ek nou deel te eenvoudig. Wat dit is, is meer van \u2019n gedagte. \u2019n Idee van anders dink oor waar jy jou vleis koop, watter vleis jy koop en wat jy daarmee doen.<\/p>\n
As kind was \u2019n supermark nie \u2019n plek waar ons vleis gekry het nie. Ek kan nie eens onthou of die OK destyds vleis op die rakke gehad het nie. Wat ek onthou was slagdag op die plaas. En toe ons uiteindelik noodgedwonge dorpsmense word, was Oom Jollie se slaghuis die plek vir vleis. Ek onthou die hout en sifdraad swaaideur, vir die vlie\u00eb neem ek aan. Ek onthou die groot velle spierwit papier vir die toedraai. Maar meeste van als onthou ek Ma se gesprekke met Oom Jollie. Wat het hy vandag? Hoe daarmee gemaak?<\/p>\n
In die dekades tussen kindwees en nou het ek menige slaghuis sien sneuwel, veral in die stad. Dis supermark vleis vir ons deesdae, en dit maak my rasend. Want die kwaliteit is meestal twak, die snitte beperk en altyd dieselfde. Tjops, wors, steak. Klein blokkies vir stowe, nugter weet van watter deel van die dier.<\/p>\n
Ek hou verby, klim in my kar en ry 15 kilometer na \u2019n slagter wat nog sy deur oop het, en sy vleis ken. Ek loer na wat hy het, ons praat oor wat ek soek. Tien minute later stap ek uit met iets wat my laat uitsien na aandete. Iets soos hierdie gerolde beesbors. Jy kry weliswaar beesbors (oftewel \u2018brisket\u2019) in supermarkte \u2013 maar dis dun gesny en bedoel vir sop en bredies. Wat jy nie sal sien nie is \u2019n groot stuk bors, opgerol en vasgebind met tou, reg vir die pot.<\/p>\n
Beesbors soek lank en stadig kook. Ek pak hom op \u2019n laag uie en wortels, sit hom in \u2019n lae oond en loop weg vir drie ure. Wat daar uitkom is sappig en sag genoeg vir lepel eet. Ek bedien dit met stampmielies, want d\u00eds hoe ons enige ryk beesvleis, insluitend stert, op die plaas ge\u00ebet het. Dis eenvoudige kos ja, maar in die diep winter is eenvoudig, ryk en warm die beste soort kos.<\/p>\n<\/div>
1kg gerolde beesbors (brisket)
\n2 groot uie, geskil en in kwarte gesny
\n6-8 groot wortels, geskil en in groot stukke gesny
\n2 heel huisies knoffel, platgedruk met \u2019n groot mes om die skilletjies effe oop te breek
\nolyfolie
\nsout en growwe swartpeper
\npietersielie, fyn gekap
\nstampmielies, vir bedien (of kappokaartappels)<\/p>\n<\/div>
Verhit \u2019n kleefvrye pan, voeg \u2019n paar lepels olyfolie by en panbraai die gerolde beesbors alkant tot mooi bruin. Sit die uie, wortels en knoffel in \u2019n groot kastrol (met \u2019n deksel wat goed pas), gooi \u2019n eetlepel olyfolie oor, \u2019n paar draaie sout en swartpeper en roer sodat alles \u2019n lagie olie het. Plaas die beesbors op die laag groente en gee ook die vleis \u2019n paar draaie sout en peper. Sit die deksel op en plaas die kastrol in \u2019n lae 160 grade Celsius oond vir 3-4 ure tot die vleis super sag is. Ek gooi nie water by nie, dis nie nodig nie. Die groente en vleis maak hulle eie intense sous.<\/p>\n
Skep die stampmielies in diep borde saam met die groente en sprinkel pietersielie oor. Sny beesbors in dik skywe en plaas bo-op. Skep daai intense vleissous net so bo-oor. As jy die sous dikker verkies gee hom eers \u2019n bietjie Maizena en Bisto liefde. Ek weet menige sjef sal frons, maar Bisto het \u2019n plek in my hart.<\/p>\n
Maak \u2019n bottel rooi daarby oop (sien my keuse laer af) en vier die lewe.<\/p>\n<\/div>
4<\/p>\n<\/div>
15 min<\/p>\n<\/div>
3-4\u00a0ure<\/p>\n<\/div>