{"id":9717,"date":"2020-07-24T13:14:37","date_gmt":"2020-07-24T11:14:37","guid":{"rendered":"http:\/\/www.melkkos-merlot.co.za\/af\/?p=9717"},"modified":"2020-09-30T14:35:12","modified_gmt":"2020-09-30T12:35:12","slug":"franse-roosterbrood-met-nutella","status":"publish","type":"post","link":"https:\/\/www.melkkos-merlot.co.za\/af\/franse-roosterbrood-met-nutella\/","title":{"rendered":"Franse roosterbrood met Nutella"},"content":{"rendered":"

Franse roosterbrood was \u2019n kindertyd gunsteling vir ontbyt, waarskynlik omdat dit omtrent die enigste ding was wat ek as 5-jarige kon kook. Dit was so basies as kan kom, net eier geklits met bietjie melk en gewone sagte wit goewerment brood. All Gold se tamatiesous daarby was natuurlik \u2019n m\u00f3\u00e9t.<\/p>\n

All Gold is steeds die enigste tamatiesous waaraan ek mond sal sit en di\u00e9 doen ek nie dikwels nie. My smaak het effe meer gesofistikeerd geraak met die jare. Sommige van my vriende noem dit sommer fiemies. Wat jy dit ook al noem, die gevolg van my kieskeurigheid is dat ek bitter selde oortreffende trap tipe woorde gebruik as ek oor resepte praat. Hierdie Franse roosterbrood is \u2019n uitsondering. Sjoe. Mense, dis lekker verby. Sjokolade, lemoen, kaneel\u2026 Hoe kan dit nou dan anders? Al wat ek hierby vra is \u2019n sterk koppie swart koffie, \u2019n stil sonhoekie, die kat op my skoot en my Sondag koerant. As jy net \u00e9\u00e9n van my resepte probeer, maak dit hierdie een.<\/p>\n<\/div>

<\/div><\/div><\/div>
Al wat jy nodig het is…<\/h5>\n

2 eiers
\n\u00bd koppie melk
\n2E room, opsioneel (moenie spesiaal room loop koop nie, sit dit net in as jy toevallig het)
\n\u00bct kaneel
\nknippie sout
\n3t strooisuiker
\nskil van een lemoen, fyn gerasper
\n4 snye brioche of kitke brood
\nNutella sjokoladesmeer
\ngroot klont botter \u2013 so twee eetlepels<\/p>\n<\/div>

<\/div><\/div><\/div>

Klits die eiers, melk, room, kaneel, sout, strooisuiker en lemoenskil saam. Smeer twee snye brood ongeskik dik met Nutella. Bedek met die orige twee snye om \u2019n toebroodjie te vorm. Gooi die eiermengsel in \u2019n platterige bak en week die toebroodjies daarin vir \u2019n goeie minuut. Draai versigtig om sodat die ander kant ook kan week \u2013 meeste van die mengsel sal opgesuig word. Smelt die botter in \u2019n kleefvrye pan en braai die broodjies oor medium hitte tot goudbruin albei kante. Bedien dadelik terwyl warm. As jy ekstra f\u00eansie voel, sif bietjie versiersuiker oor vir die mooi.<\/p>\n<\/div>

<\/div><\/div><\/div>

bedien<\/h4>\n

2<\/p>\n<\/div>

<\/div><\/div><\/div>

vooraf<\/h4>\n

5 min<\/p>\n<\/div>

<\/div><\/div><\/div>

kook<\/h4>\n

5\u00a0min<\/p>\n<\/div>

<\/div><\/div><\/div>

Gehou van die resep? Deel dit!<\/h4>
<\/i><\/a><\/span><\/i><\/a><\/span><\/i><\/a><\/span><\/div><\/div>