{"id":972,"date":"2013-08-16T14:45:58","date_gmt":"2013-08-16T12:45:58","guid":{"rendered":"http:\/\/www.melkkos-merlot.co.za\/?p=972"},"modified":"2022-08-18T12:07:29","modified_gmt":"2022-08-18T10:07:29","slug":"geroosterde-soetrissie-antipasto","status":"publish","type":"post","link":"https:\/\/www.melkkos-merlot.co.za\/af\/geroosterde-soetrissie-antipasto\/","title":{"rendered":"geroosterde soetrissie antipasto"},"content":{"rendered":"

Sit \u2018n spul vrouens om \u2018n tafel en jy weet \u2013 almal gaan \u2018n proetjie vat aan wat op jou bord is. Dis \u2018n ding wat geen man ooit sal verstaan nie. Dis seker oor hierdie almal-se-kos-proe ding van \u2018n vrou dat ek so mal is oor die antipasto en tapas manier van eet. Gryp \u2018n groot bord. Tuimel olywe, salami, kersietamaties en ingelegde artisjokharte daarop en bedien dit saam met warm ciabatta brood. Dis die perfekte niks-kook begin vir \u2018n gesellige kuier om die tafel. Maar hierdie is \u2018n blog oor kook, so hier is \u2018n ietsie ekstra vir so \u2018n antipasto bord \u2013 geroosterde soetrissies met ansjovis en knoffel, gekus met vrugtige olyfolie. Salig.<\/p>\n<\/div>

<\/div><\/div><\/div>
Al wat jy nodig het is…<\/h5>\n

2 groot rooi en 2 groot geel soetrissies, gerooster
\n6 ansjovis filette
\n\u00bd knoffelhuisie, fyngedruk
\ngroot handvol Italiaanse pietersielie, gekap
\n3E goeie olyfolie
\ngrowwe swart peper
\nkapertjiesaad (opsioneel)<\/p>\n<\/div>

<\/div><\/div><\/div>

Ek\u2019s mal oor die soort kos wat dit laat lyk asof jy nogal moeite gedoen het, terwyl jy eintlik net \u2018n paar goed bymekaar gegooi het. Hierdie resep is een van daai en werk heel goed met \u2018n bottel geroosterde soetrissies. Maar ek verkies om my eie te rooster. Dis goedkoper en baie maklik (sien \u2018goed om te weet\u2019 hieronder.) As die soetrissies eers gerooster is, is dit net saamflans en dit vat net \u2018n minuut of twee. Hier\u2019s hoe…<\/p>\n

Sny die geroosterde pepers in groterige stukke. Voeg die ansjovis filette (hou hulle heel of sny hulle kleiner), knoffel, pietersielie en olyfolie by en laat dit vir \u2018n uur teen kamertemperatuur staan sodat die geure kans kry om mekaar te leer ken. Vir my is dit nog beter die volgende dag, maak net seker jy haal dit betyds uit die yskas want hierdie is nie \u2018n ding wat jy koud eet nie. Gooi nog \u2019n stewige skoot pietersielie en \u2018n blertsie olyfolie op net voor jy dit bedien, gee hom \u2018n draaitjie swart peper en hy\u2019s reg. O ja, as jy van kappertjiesaad hou, strooi sommer \u2018n paar van hulle ook oor. Bedien met ciabatta of Franse brood.<\/p>\n<\/div>

<\/div><\/div><\/div>

bedien<\/h4>\n

4<\/p>\n<\/div>

<\/div><\/div><\/div>

vooraf<\/h4>\n

15 min<\/p>\n<\/div>

<\/div><\/div><\/div>

kook<\/h4>\n

15 min<\/p>\n<\/div>

<\/div><\/div><\/div>

Gehou van die resep? Deel dit!<\/h4>
<\/i><\/a><\/span><\/i><\/a><\/span><\/i><\/a><\/span><\/div><\/div>