Frans en maklik – dis die galette. Ek’s bietjie verlief of hierdie oopvorm tert met sy eindelose vulsel opsies. Onlangs het ek inspirasie uit die suide van Frankryk geput met ’n Provensaalse tapenade-en-uie galette. Hierdie week mik ek noord en vind my inspirasie in Normandië, tuiste van Camembert-kaas met ’n Camembert, preie en aartappel galette. Bon appétit! Al [...]
Ek sien op die weer die res van die land dra reeds rok, maar hier in die Kaap is winter nog nie met ons klaar nie. Nie dat ek kla nie, ons het al die reën nodig wat ons kan kry. Maar ai, ek’s so lus vir sandale. Ek gee die ding nog twee weke kans en dan brand [...]
Ek’t bietjie gedink oor hierdie saak en besluit aan die einde van die dag kan jy mense wat kook in twee kategorieë verdeel. In die een groep dié met netjiese kaste en woes georganiseerde yskaste. Hulle’t aandele in Tupperware met alles ‘colour coded’ – soort-by-soort bymekaar, in nette rye soos kadette op parade. En dan’s daar die ander lot... Dié [...]
Walliese ‘rarebit’. Nog een van daai dinge wat jy eenvoudig nie in Afrikaans kan vertaal nie. Wat is dit? Soortgelyk aan sy Franse neef, Croque Monsieur, is dit basies ’n fênsie manier om te sê geroosterde kaasbroodjie. Anders as sy Franse familie bevat ‘rarebit’ nie ham nie. Haikôna, hy kry… bier. Saam met baie beleë Cheddar vorm dit ’n smaaksensasie [...]
Pienk krullers onder elke bed. Wit, wollerige pyp-skoonmakers in elke hoek. Tafeltennis balle onder elke bank… Dis hoe dit gaan as jy ’n katkind het want speel moet hulle. Die vloere’s hout, die lawaai indrukwekkend, die opgewondenheid buitensporig. Ek verstaan sulke baldadigheid. Ek voel ook so. Natuurlik nie oor krullers nie, dit sal weird wees. Oor kos. Gee my bestanddele om [...]
As kind was die groente op ons borde nie juis wat mens interessant kon noem nie. Daar was blomkool, bone, wortels, botterskorsies, ertjies en aartappels. Dis al. Sampioene was net in blikkies, wit aspersies ook. Hulle’t net uit die koskas gekom vir belangrike geleenthede, soos as die kerktannies met die wit handskoene en vere in hul hoedens vir tee gekom [...]