‘Gesond’ is die woord van die dag in die Melkkos & Merlot kombuis die laaste paar weke. As jy al ’n ruk lank saam met my en Merlot in die kombuis kuier wéét jy, ons skrik nie vir botter en room nie. Maar soustannie en cholesterol sit in die Boeregene, so vir elke dag se kook is ek nogal versigtig. [...]
Doller as kopaf – ons het almal daai dae. Partykeer is dit nie net ’n dag nie, maar sommer ’n hele week. Dís hoe dinge laasweek by Melkkos & Merlot was. Met nege outjies bewapen met hammers en ‘angle grinders’ op die dak kon dit nie eintlik anders nie. Dak vervang is nie vir sissies nie. Merlot’s ’n slim kat. [...]
Week twee van geen stysel en dit gaan sommer baie goed. Ek's mal daaroor. Miskien omdat ek my in die laaste sewe dae vergryp het aan soesjie (erm, rys), ’n vark-en-vinkel burger (erm, brood), en ’n parmantige klein kreefpasta wat ek opgetower het met die laaste van my super geheime kreef ‘stash’ in die agterste hoek van my derde vrieskaslaai. [...]
’n Bekommerde leser kontak my so paar dae terug en vra hoekom sy nie laasweek van my gehoor het nie. Die antwoord is eenvoudig: ek sittie lipstif op ’n vark nie. Sien soos enige ander kok het ek my af dae in die kombuis. Selfs beproefde resepte wat ek al jare maak kan flop, soveel te meer as ek met [...]
Koek is ’n gevaarlike ding. Vra my, ek wéét. Dis nie dat en nie van koek hou nie, maar vir elke tien sekondes wat ek na koek kyk, tel ek ’n halwe pond op. Ek oordryf nie hier nie mense. Party van julle kén van – soustannie gene is nie vir sissies nie. Aangesien snoesig mollig nie meer sou oulik [...]
My ma was ’n tegemoedkomende kok. Sy’t ons altyd drié keuses vir ontbyt gegee. Krummelpap, stywepap of slappap. Solank daar genoeg melk en suiker was, was ons min gepla. Behalwe een jaar, en ek praat nou van donkiejare terug. Want sien, daar het ’n groot droogte oor land gekom. Of ons’t vergeet om te plant. Of groot mieliemolle het alles [...]